دوژمنی کورد ئه‌ی خودایه‌  تۆ به ‌ زویی  قڕ   بکه‌ی   

                                                        کوردستانی  خۆشه‌ویستی  خۆم  له‌ خۆشی پڕ بکه‌ی
ئاوه‌دانی   که‌ی  وڵاتم   بیکه‌یه ‌   باخی     به‌هه‌شت          

                                                    هه‌ر به‌رز که‌ی  ده‌نگی کورد و دژمنی کورد  کڕ بکه‌ی
زیت و  چالاک و  به‌هێز   که‌ی لاوی کوردی قاره‌مان     

                                                        گش نه‌یاری کورده‌واریش لات و سست و سڕ بکه‌ی
سه‌خته  و  ساخ  و  پته‌و  که‌ی تۆ هه‌موو ئه‌ندامی کورد

                                                       دوژمنی  کورد  ده‌رده‌دار  و  سه‌ر دڵی  لێ  خڕ بکه‌ی
خه‌ڵکی کورد گش تۆ په‌ره‌سته‌ و تۆی له‌ خۆی خۆشتر ده‌وێ

                                                      خوایه‌ تۆش کورد سه‌ربه‌خۆ و ئازاد و تێر و مڕ بکه‌ی
خوایه‌  هه‌ر  که‌س  دوژمنی  کورده ‌ له ‌ دنیا  دا له‌شی             

                                                     خۆت به‌ تیخی ده‌ستی لاوی   کورد  هه‌موو وندڕ بکه‌ی
خوایه‌ ڕۆژی ڕوونی ئازادیش له‌ سه‌ر کوردی هه‌ژار        

                                                    هه‌ڵ بهێنی و زو به‌ زو تۆ  هه‌وری  ماته‌م   شڕ  بکه‌ی
بۆ ده‌بێ هه‌ر ژێر چه‌پۆکه‌ و هه‌ر ژێر ده‌سی هه‌ر که‌س بێ کورد

                                                    دوژمنی کورد   تۆ به‌  هێزی  خۆت  خودایه‌  قڕ  بکه‌ی
کورد  له‌  خۆڕا  دوژمنی  کێیه‌  له ‌ سه‌ر  مافی  نه‌بێ

                                                     ماف خورانی  ناحه‌ز   و گڕوێ   و دزێو  و گڕ بکه‌ی
گورژی هه‌ ده‌م  لێت  ده‌کا  داوا   خودایه  بۆو   گه‌له‌

                                                    گه‌ر هه‌موو  دنیا  له‌ داد و   ده‌نگی  کوردی   پڕ  بکه‌ی